Skip to main content

Zuen eskaerak entzunda eta gure nahiei jarraituta, ezin bestean, gure lehen lan luze hark aurten 30 urte bete dituen urte borobil honetan, atseginez iragarri nahi dizuegu 1996ko <<Kontzientzia ala Infernua>> disko gorriak berriz ere argia ikusiko duela birmasterizatutako binilo bikoitzaz 💿💿 merezi duen formatu berezian❗, berreskuratutako 1998 urtean zuzenean grabatutako Latzenen bost kantu izango dituen bonus track batekin batera orduko esentzia guztia mantenduz‼️

Abenduak 4 eta 8 bitartean Durangoko azokan (DA! 2026) eskuratu ahal izango duzue 🎪. Latzen taldea han izango gara gure stand propioan beste behin eta bertan berau zuei zuzenean banatzea biziki gustatuko litzaiguke erregalu txiki batekin batera besteak beste 😉, Durangoko jaietan jo berri dugun kontzertuaren ostean, “Denboraren Orbainak” gure biraren markatutako geldialdi txiki honetan.

Bitartean hori bai, gaurtik abenduak 4 arte, disko hau eskuratu nahi duen eta egun horietan Durangon izaterik izango ez duen guzti horientzat, hemen webgunearen bitartez, pre-order bat jarriko dugu martxan on line bidez ere etxean jaso ahal izateko.

🔗 Latzen Denda

Durangon itxaroten zaituztegu! 💪🤘

Binilo bikoitza barneko diseinatutako zorro bikoitzean + Birmasterizatuta + Red Marbled biniloak + Bonus Track: 1998ko bost kantu zuzenean.

Latzen

Author Latzen

More posts by Latzen
Share